Monday, October 23, 2017

1 gadan, 1 irido sa iriwal sa videoke sa Presentacion

Retrato hale sa Pixabay

NAGA CITY 10/22/17/ - Nin huli sa aragawan nin kanta sa videoke, sarong lalaki an ginadan mantang an saro tinaga asin herido ngonian.

An incidente nangyari sa Barangay Bicalen, Presentacion, Camarines Sur.

Sabi kan imbestigador, nagpoon an dai pagkaintindihan kan duwang biktima asin an duwang suspechado sa aragawan nin mikropono asin an kanta sa videoke.

Binawian nin buhaw si Ireneo Papillera, 40 anyos mantang nalugadan si Balela Millano sa kurokuso kan kariribokan.

Pigpoonan kan iriwal an diriskusyonan kan duwang victima asin kan duwang suspechado na iyo sinda George Naa asin Steven Plamiano.

Nin huli kan saindang iwal, tinaga kan suspechadong si Naa si Papellera na tinamaan sa man laen-laen na parte kan saiyang lawas.

Mortal an mga lugad kan victima kaya binawian tulos siya nin buhay sa pinangyarihan kan krimen.

Si Plamania, sa ibong na lado, igwa man nin mga lugad.

Hinahanap kan mga pulis si Naa tanganing sangatan nin caso.
Share:

Featured Post

478 passengers stranded in Bicol ports due to 'Samuel'

PNA file photo LEGAZPI CITY -- The Philippine Coast Guard (PCG) in Bicol on Monday canceled the trips of sea vessels, grounding 478 pa...