Wednesday, September 27, 2017

VM Legacion, ipigbiklad an mga plano sa trafico sa Naga

Traffic light in Naga City
BICOL STANDARD Photo
NAGA CITY 9/27/17 (Bicol Standard)--Matapos magluwas an resulta kan 2017 Third Quarter Naga City Poverty and Governance Public Opinion Poll, particularmente manungod sa problema sa trafico, sinabi ni Vice Mayor Nelson Legacion na kadakol an solusyon sa nasambit na problema.

Sa entrevista kan Bicol Standard asin 91.9 BBS FM, sinabi ni Legacion na saro an pagpapahiwas kan mga tinampo.

"An malinaw po itong sa MT Villanueva Avenue. One time po ngani hale ako sa Bagumbayan Norte papunta po ako sa City Hall. One hour po an inabot, nin huli ta duman po ako napa-agi. Ano po an pwedeng gibuhon sa areang yan? Widening po an kaipuhan para mas may espasyo sa mga vehiculo," sabi ni Legacion.

"An problema po ta may maapektuhan na mga properties na pagsasadire kan mga pribadong individual including po an Naga College Foundation. Agree man po in principle si mga landowners, alagad si mas contentious issue po itong pagputol nin kahoy na maaapektuhan kan road widening. Dai man po pwede na nagwiden ka nin tinampo, natada si mga kahoy," sabi ni Legacion.

"Kaipuhan man po magconstuir kita nin mga bagong road networks. Kaya po ngani an SP pigsisibot si Atty Perfecto Bragais III para sa acquisition kan road right of way duman sa Calauag-San Felipe circumferential road. Pag nahaman na po yan, si ibang mga vehiculo na nag-aagi sa MT Villanueva Avenue, digdi asin Magsaysay, pwedeng duman na po mag-agi sa Calauag San Felipe Road, going to Matiway and then paluwas na po sa Cararayan and then Del Rosario, and then luwas sa Maharlika Highway. And then si pagconstruir kan Balatas City Science road, tanganing makatabang po sa pagdecongest kan traffic dyan sa Magsaysay. Asin iba pa pong road networks na dapat iconsider asin maaksyonan po tulos kan local na gobierno kan Naga."

Afuera kaini, importante man an disiplina kan mga tawo sa paggamit kan mga tinampo, segun pa sa Bise Alcalde. (Report hale ki Joe Caguimbal)
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...