Tuesday, September 5, 2017

PD Tejada kan Sorsogon: Imbestigaran an gabos na caso nin garadanan


SORSOGON CITY 9/5/17 (Bicol Standard) -- Inako ni PSSupt. Marlon Tejada, an bagong magtukaw na Provincial Director kan PNP sa Sorsogon, na antes pa siyang magtukaw bilang pamayo kan pulis sa provincia igwa na nin nangyayaring shooting incidents digdi.

Hasta ngonian, nagpapadagos pa ini.

Sinabi ni Tejada na tinatawan niya nin atensyon an problema sa paagui kan pag-imbestigar kan mga incidente para mapanimbag an mga suspechado asin kun sisay an mga imbuelto sa mga caso nin pambabadil.

Naglalaom an opisyal na masasangatan nin caso an mga responsable sa krimen.

Mientrastanto, nagpaliwanag si Tejada na bakong gabos na shooting incidents digdi an isinasahot sa riding-in-tandem criminals.

May ibang incidente na connectado sa problema sa insurgencia, may personal na kaanggotan, asin an iba may relasyon sa ilegal na droga asin iwal sa negosyo.

Nagpromisa si Tejada na gigibohon kan pulis an gabos na makakaya, kasabay kan pagpaluwas niya nin direktiba sa saiyang mga tawohan na mag gibo nin follow up investigation sa mga nangyayaring incidente nin garadanan sa Sorsogon.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...