Sunday, September 17, 2017

PARACALE: Nag dynamita nin sira, naputokan, irido



PARACALE, CNorte 9/17/17 (BICOL STANDARD) Idinalagan sa hospital para ipabulong si Narding Arnelio, 44, residente kan Barangay Bagumbayan sa banwaan na naputokan nin dynamita na gamit sa illegal na pagdakop nin sira.

Nangyari an incidente kasubagong alas 3:45 nin hapon, sabi sa report kan pulis digdi.

An sabi sa report si Arnelio nag gibo nin dynamita na pandakop sira, alagad kan saiya nang sinubsuban, aksidenteng nagputok sa saiyang kamot.

Huli kan pangyayari, haros magburak an saiyang toong takyag asin may mga lugad pa sa saiyang lawas, huli kan makusog na pagbuag kan bomba.

Inagapan siya kan mga miembros kan Municipal Risk and Disaster Office (MDRRO) sa bandana na ini asin ngonian nagpapa-omay sa hospital.

Dai nasambit sa report kun kakasohan siya nin pagbalga sa ley sa illegal na pagdakop nin sira gamit an dynamita.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...