Sunday, September 17, 2017

Lalaki, nakuang gadan sa Labo, CNorte



LABO, CNorte 9/17/17 (BICOL STANDARD) Sarong 19 anyos na lalaki na nabisto sa pangaran na Erwin Fernando an nakuang saro nang malipot na bangkay sa barangay Anamean digdi.

Segun sa pag siyasat kan mga awtoridad an nakaheling kan nagrurugnas nang lawas kan victima iyo si Rolando Marte, mientras na pig lalabahan si saiyang bado sa sarong canal.

An nakuang gadan nagkapira nang aldaw na hinahanap kan saiyang familya, ta dai nagpupuli sa harong ninda.

May informasyon na ipinaabot sa mga awtoridad na an gadan may helang nin epilepsy kaya pwedeng inatake kan mate asin nadagosan nang nagadan.

Si Fernando nag-eestar sa Plaza kan nasambit na barangay.

An mga awtoridad nag-iimbestigar pa kan sinambit na pangyayari.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...