Sunday, September 17, 2017

Bantay sa poulty farm sa Libmanan, nakuryente, gadan



LIBMANAN, CSur 9/17/17 (BICOL STANDARD) –Binawian nin buhay si Rommel Madara, 24 anyos na bantay sa poulty farm sa banwaan na ini huli sa pagka-kuryente kasubago.

An incidente nangyari mantang an victima nag-sasablay kan mga basa na tela na gamit sa pag-ataman nin manok sa poultry farm, digdi.

Nagluluwas sa pag-siyasat na dai narisa kan victima na nakadukot sa drop wire an saiyang sinasablayan kan linabahan, kaya nagkanayap pasiring sa saiyang lawas an kuryente, na iyong naging causa kan saiyang kagadanan.

An mga nag responde sa aksidente idinalagan pa kuta sa hospital an victima.

Alagad, ipig declarar kan doctor na mayo na siya nin buhay.

An bangkay ni Madara nakahutad sa saindang residencia sa Sipocot, Camarines Sur.
Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...