Sunday, September 24, 2017

Balatas Dumpsite, linalaoman na maisara bago matapos an 2017


ni Joe Caguimbal

NAGA CITY— Naglalaom an Sangguniang Panglungsod sa paagi ni VM Nelson Legacion na maisasara an Balatas Dump Site bago magtapos an taon 2017 base naman daa an sa promisa ninda Engr. Joel Martin kan SWMO asin Engr. Chito Palmeano kan CEO.

Reaksyon ini kan Vise Alkalde sa pahayag ni EMB Provincial Chief Mrs. Lilian Ornido na pipenaran kan NSWMB an LGU NAGA kun dai maisasara an Balatas Dump Site bago magtumba an taon 2017.

Aminado kaya si PD Ornido na halawig nang panahon an naidarang inkunbenyensa sa pirang barangay na nakapalibot sa Balatas, kasali na an malaen na parung hali sa nasambit nang basurahan.
Kenyentos mil pesos (P500,000) an penalidad kun dai maisasara kan LGU NAGA an Balatas Open Dump Site base sa Section 9 kan RA 9003 o Solid Waste Management Act.

Kaya man sa masunod na sesyon iimbitaran liwat kan SP Naga sinda Engr. Joel Martin, Engr. Chito Palmeano asin City Legal Officer Atty. Perfecto "Junjun" Bragais para aramon kun anu na an kamugtakan kan itutugdok na sanitary landfill.

An mga pahayag na ini kan Vise Alkalde katakod pa kan nagluwas na isyu mapapadapit sa reklamo sa Graceland huli kan kawaran kan nasambit nang facilidad, kaya man sa pagluwas kan isyu sa Graceland napag-araman na an NCPM asin Balatas Dump Site an mga likidong minabulos aba-a nang tigni.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...