Thursday, September 14, 2017

Babae, binadil nin 5ng armadong lalaki sa Sipocot



SIPOCOT, CSur 9/14/17 (BICOL STANDARD) – Limang lalaki na armado nin haralipot asin haralabang badil an suspechado sa pagpabil ki Marcelina Ponteris, sa Barangay Caima, sa banwaan na ini, kasubagong alas 5:30 nin hapon.

Sabi sa report kan pulis, kasubagong alas 7:00 nin bangui, nakarecibe sinda nin apod sa cellphone hale ki Municipal Councilor Eduardo Dela Pena Jr., na nagpapaisi kan incidente na nangyari sa victima.

Base sa informasyon, an lugar na pinangyarihan kan krimen harane sa Barangay Calabnigan, Libmanan, Camarines Sur, na kun saen nagkaigwa nin baradilan an mga rebeldeng NPA asin an mga soldados kan gobierno, dai pa lang nahahaloy.

Bakong malinaw sa bareta kun mag koneksyon an pagbadil ki Ponteris sa nangyaring encounter kan NPA asin Army.

Binawian tulos nin buhay an victima, sa pinangyarihan kan incidente.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...