Thursday, September 14, 2017

'Abusadong' tsuper nin tricycle, ipigreklamo


NAGA CITY 9/14/17 (Bicol Standard)--Nagtrending sa social media an retrato kan sarung pampasaherong tricycle na may body number 0940 siring man an sinasabing tsuper kaini matapos na i-post ni Anjo Santos an sinapo kaini sa driver kan nasambit nang tricycle.

Segun sa post ni Santos, kan magsabi siya na mapahatod sa Robinsons hali sa SM pigsisisngil daa siya nin 50 pesos apisar haranihon man sana ngani an nasambit nang lugar, dai ngani daa duwang kilometro.

Pinaghahagad kaini an atensyon ni Alkalde John Bongat, LTO Regional Director Noreen San Luis Lutey asin si Mr. Renne Gumba an pamayo ngunyan kan PSO.

Naghahapot si Santos sa Sangguniang Panlungsod kun may bago nang ordinansa na nagbabago na sa pamasahe kan tricycle sa naga.

An reklamo sa mga nagkakapirang abusadong tsuper nin tricycle kasali na an reklamo ni Anjo Santos an dagdag na naman sa listahan kan reklamo na haloy nang reklamo na dai masolusyunan.

Maroromdoman na kan nagtalikod lang na Huwebes kan magpahayag si Mr. Arnuld Fausto, an pamayu kan traffic division kan PSO an dakula daa an paninimbagan kan mag-aabusong tricycle driver.

Mientrastanto sa follow-up na ginibo kan BBS 91.9 FM sa PSO ki Mr. Rene Gumba, an driver kan tricycle # 0940 an pig-aprehendir na asin natawanan na nin citation ticket.

Nagpagirumdom man si Gumba sa gabos na mga tsuper nin pampublikong tricycle sa Naga na dai mag-abuso nin huli ta kun magpapadagos an siring na mga reklamo pweding sindang mawaran nin frankesa.

Dai suboot pag-ulug-ulogon an ordinansa kan ciudad ta magiging seryoso suboot sinda sa PSO sa pag-aprehendir sa isay man na mag-aabuso sa mga pasahero.(Report ni Joe Caguimbal)
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...