Monday, September 18, 2017

140ng bagong soldados na Bicolano, pinadara sa Mindanao



PILI, CSur 9/18/17 (BICOL STANDARD) -140ng mga bagong maglaog sa pag soldados hale sa Bicol an ipinadara sa Mindanao, hale sa Camp Elias Angeles, sa Pili, Camarines Sur.

An send off ceremony ginibo sa Quence Martires Parade Ground kasuodma.

Sinda kabale sa Candidate Soldier Course Class 464-17, na nagtapos kan saindang training kan fecha 1 ngonian na bulan (Sept).

Naglunad sinda sa C 130 na eroplano pasiring sa Laguindangan Airport.

Dadarahon sinda sa 4rth ID, Camp Evangelista, Patag, Cagayan de Oro.

Sa ceremonya na ginibo kasuodma, sinabi ni BGen Danilo Chad D. Isleta, Assistant Division Commander kan 9ID na an pagdistino sainda sa Mindanao parte kan saindang training bilang mga miembros kan Armed Forces of the Philippines.

Segun sa pahayag kan AFP, parte ini kan saindang sinumpaan bilang servidor kan banwaan, na kun saen preparado na idistino saen man na parte kan nasyon.

Hinagad ni Gen Isleta sa mga bagong soldados na itanom ninda sa saindang mga puso an pagp-otob kan saindang obligasyon asin padagos na magtiwala sa Kagurangnan.

Kasabay kan nasambit na mensahe iyo an pagpasalamat kan 9ID sa mga familya kan mga soldados sa suporta sa saindang mga kamawotan asin kan AFP.

Nagtutubod an liderato kan 9ID na magigibo kan mga bagong soldados an saiyang sinumpaan na mga obligasyon.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...