Sunday, September 17, 2017

1 gadan sa karambola kan 3ng motorsiklo sa Legazpi City



LEGAZPI CITY 9/17/17 (BICOL STANDARD) Saro an gadan asin walo an nagkarulogadan sa aksidente sa motorsiklo digdi kasubago, sabi sa report kan pulis.

An nagadan iyo si William de la Cruz, taga Barangay Balosbos, Sorsogon, na backrider sa motorsiklo na minamaneho ni Manny dela Cruz.

Sabi kan imbestigador kan Legazpi City Police, nagdadalagan si Manny dela Cruz sa may Sitio Agna, Barangay Humapon, kan makalaog siya sa linya kan duwa pang motorsiklo.

Nangyari an aksidente sa curbadang parte kan tinampo.

Nabudalan kan pig mamanehong motorsiklo ni Manny dela Cruz an motorsiklo na pigmamaneho ni Joven Enano, na kasunod an mag agom na Eduardo asin Florida Enano.

Nin huli kaini, nasagi pa an saro pang motorsiklo na an driver iyo si Noel Asagra, na kasunod man an mag-agom na Gregorio asin Virginia Paete.

Mientrastanto, huli kan pagsimplang kan nagkabarangaan na vehiculo, nagsapo nin mga bakros asin rungas sa saindang lawas an mga nakalunad sa motorsiklo.

Anag sindang idinalagan sa hospital.

Si William dela Cruz an dae nakasalvar sa aksidente huli sa tama sa saiyang lawas asin payo.

Nagpapadagos pa an pagsiyasat kan nasambit na aksidente.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...