Saturday, August 12, 2017

VM kan Sto Domingo, Albay, may huma sa buhay



LEGAZPI CITY 8/12/17 (BICOLSTANDARD) –Lamos sa paghadit an ika duwang pinakahalangkaw na opisyal kan Sto Domingo, Albay na si Vice Mayor Bong Banda huli sa suboot huma sa saiyang buhay.

Sinabi kan vice alkalde na poon pa kan Abril, ngonian na taon nakarecibe na siya nin mensahe sa text hale sa dai niya bistong tawo na naghahagad nin tabang para suboot sa saindang rebolusyon.

Inapodan man suboot siya kan Hulyo 23 kan nagpabisto sa pangaran na “Ka Roger Fernandez”, na nagsisigato saiya kan hinahagad na tabang.

Alagad, pinasipara niya an apod na ini sa cellphone.

Mientrastanto, kan Agosto 8, nakarecibe naman siya nin mga texts na may kaibahan nang patanid na kun dai magtao kan hinahagad na cuarta saiya, ipapagadan siya.

Nin huli sa bagay na ini, pinakiolayan niya an nag-aapod sa cellphone na makipagolay saiya, pero nagsayuma saiya.

Makuri na an paghadit ni Vice Mayor Banda nin huli kan mga nangyayari sa ibang lugar na dakul na an nagagadan.

Orog pa siyang nahadit ta an kadaklan na mga ginagadan sinasahot sana sa rason na may relasyon sa illegal na droga.

Sa pakihumapot kan BICOL STANDARD ki Sr. Inspector Malu Calubaquib, an parapahayag kan PNP Bicol, saiyang sinabi na dai nakaabot sa saiya an baretang ini.

Nagsabi si Vice Mayor Banda na padagos siyang nag iingat ngonian, kasabay kan pag-arang sa Kagurangnan na maging salbado an saiyang buhay. (LBJ)
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...