Sunday, August 6, 2017

Taga Calabanga, hinabonan; binadil kan riding in tandem



CALABANGA, CSur 8/6/17 (BICOL STANDARD) Duwang lalaki na naka motorsiklo asin nakasulot nin helmet an suspechado sa pag badil, gadan ki Themma Mendoza-Hipolito, na sarong negosyante sa Barangay San Roque, digdi kasuodmang alas 5:55 nin hapon.

Sabi kan katabang sa tindahan an victima nagbibilang nin cuarta sa bag sa laog kan tindahan na sarado na kan pagabot kan duwang dai bistong lalaki.

An saro sainda an nagtutok nin badil sa victima mantang an kaiba iyo an nag-gabring kan bag na may laog na cuarta.

Sabi pa kan testigo habong butasan ni Hipolito si bag na may laog na cuarta kaya siya itinuklang dangan binadil kan kaiba, gamit an calibre .45.

Tinamaan nin bala sa liog an victima asin sa kamot.

Mientrastanto, idinalagan pa kuta siya sa doctor tanganing ipabulong.

Alagad, ipig declarar na “dead on arrival.”

Nakakua nin baseyo nin bala hale sa calibre .45 sa lugar na pinangyarihan kan krimen.

Marikas na nagdulag pasiring sa dai maaraman na lugar an mga criminal.

An pulis nagpapadagos kan saindang pag siyasat kan krimen.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...