Sunday, August 6, 2017

Pili SB, isusumbong si DE Roces ki DPWH Sec Villar



NAGA CITY (BICOL STANDARD) “Maray kuta kun dai na man ipadara sa Manila an resolution kan Sangguniang Bayan kan Pili, dapit sa ampaw nap aka gibo kan tulan sa San Jose Bridge, ta pig reremedyohan na man ini”.

Ini an sabi ni District Engineer Rebecca Roces, sa intrevista kan BICOL STANDARD kan Viernes.
Sabin i DE Roces naghagad siya nin tabang hale sa mga technical personnel hale sa DPWH Regional Office na inspectionon na maray an tulay --- sa ibaba asin sa irarom, para ma-cienrto asin maaraman kun ano an diferencia.

An mga tawohan kan DPWH Regional Office No 5 nag gibo na suboot kan saindang pag inspection asin pighahalat n asana an saindang recomendasyon.

Mientrastanto, naninindogan an district engineer na binantayan talaga ni Project Engineer Cesar Moral Jr., an bilog na patrabaho kaya sinda nag ngalas kun nata ta nag –rogrog tulos an dakul na parte kan tulay na ipina trabaho kan NFH Construction.

Sa lado kan Sangguniang Bayan kan Pili, desidido na an saindang grupo na darahon ngonian na semaha sa lamesa ni DPWH Sec Mark Villar an saindang reklamo, pakatapos na sinda suboot --- madisganar sa contratista nang patrabaho kan tulay asin sa officinal kan DPWH, na dai nag cooperar sa saindang mga request nin kapaliwanagan.

Kabale sa mga options kan Sangguniang Bayan kan Pili iyo an hagadon ki Sec Villar na haleon sa pwesto si Roces bilang district engineer digdi.

Dapit sa bagay na ini, sinabi ni DE Roces na mahalat man sana siya kan masunon na mga mangyayari.

Kun may mag-abot suboot nin order na riribayan siya, mayo man suboot siyang magigibo kayan.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...