Tuesday, August 29, 2017

PDAF scam issue vs Gov Bichara, 'politically-motivated' daa


LEGAZPI CITY (Bicol Standard) – “Politically motivated.” Ini an simbag kan kampo ni Albay Gov Al Francis Bichara sa nagluwas na report na pig iimbestigaran ngonian kan Ombudsman si saiyang PDAF, kan siya iyo pa an deputado kan ikaduwang distrito kan provinciang ini.

An sabi sa report may mga imbestigador hale sa Ombudsman na nag sisiyasat kan sala na pag gamit kan PDAF ni Bichara, na pig release sa Non Government Organization (NGO).

An field investigation office kan Ombudsman nagpadara nin surat sa mga local government units sa segundo distrito kan Albay para maghagad nin prueba na naka recibe sinda kan fundo hale sa foundation, na tinawan nin cuarta hale sa PDAF kan dating congressman.

May report na nagsasabi na an fundo na hinahanap hale sa PDAF ni Bichara na itinao sa Technology and Livelihood Resource Center (TLRC) asin sa Kaagapay Magpakailan man Foundation, Inc. kan taon 2007 hasta 2008.

Itinagama fundo para sa pagbakal asin pag distribuir nin limang volume nin livelihood technology kits.

May pig sisinasar na report na pinaagui suboot ni Bichara an funding allocation por medyo kan National Agribusiness Corporation (NABCOR) asin sa Kabuhayan at Kalusugan Alay ng Masa Foundation, Inc.

Mag poon ini kan 2008 hasta 2009 sa proyektong pag pag distribuir nin walong water pumps, pitong hand tractors asin mga seedling nin manga.

Kabale sa pighahagad na kakusgan kan Ombudsman iyo an listahan kan mga benefisyaryo, retrato, accomplishyment reports, certificate of completion asin iba pa.

Inaaram ngonian kun ginibo o dai an mga proyekto. Kun dai ginastos an cuarta sa mga sinambit na proyekto, pwedeng kasohan si Bichara sa Sandiganbayan, sa inaapod na Pork Barrel Scam.

Pig probaran na hagadan si Bichara kan saiyang reaksyon asin paliwanag dapit digdi.

Alagad, an tinawan nin poder na magpaliwanag sa isyu na ini iyo si Danny Garcia, an parataram kan gobernador.

Sinabi ni Garcia na may lagod nin politika an issue na pig-oorolayan ngonian (May report hale ki Susan Bernal Balane).
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...