Tuesday, August 22, 2017

PB Amesola kan Pili, pinahimutikan an sahot na siya drug lord, adik


PILI, Camarines Sur 8/22/17 (Bicol Standard)--"Bako akong drug lord asin adik!” Ini an sinabi ni Pili, Camarines Sur ABC President asin Sangguniang Bayan Ex-Officio Member Punong Barangay Efren Amesola kan Palestina.

Ini dapit sa pigparataram ni Mayor Tomas Bongalonta sa flag raising ceremony kan Lunes na may mga opisyal kan Pili asin mga punong barangay na imbwelto sa transaksyon kan ipinapangalad na bulong.

Dai naitago ni Amesola an pagkabangit sa saendang alkalde nin huli ta sige daa kayang taram nin mga sahot imbis dapat na maghapot asin mag-imbistiga kun may mga kapitan baga talaga na imbwelto sa droga.

Inangat ni Amesola si Bongalonta na pangaranan an mga sinasabi kaining opisyal asin mga kapitan na imbwelto sa siring na aktibidad.

Ngunyan na aldaw, tiniripon ni Amesola an mga Punong Barangay kan Pili tanganing maghaman nin marhay na plano dapit sa mga pigparataram kan alkalde asin mapanday man soboot nin resolusyon na masugo ki Mayor Bongalonta na pangaranan an aram kaining opisyal na imbwelto sa droga.

Tinawan duon ni Amesola na an saiyang yaman ngunyan bakong hali sa anumang ilegal na aktibidad imbis hali sa pinagpagalan kan saiyang familia.

“Kun malaog ako sa ilegal na droga, tano ta ngunyan sana?” sabi pa ni Amesola.

Dai man naitago kan kapitan an pagkadisganar sa ibang mga taga-media na pinapasabitan an saiyang pangaran na siya drug lord.

Mientrastanto mayo pa man nin naipaluwas na pahayag an nasambitan nang opisyal kun nagsuko ini sa PNP kan panahon na labo-labo an Oplan Tokhang. (Bareta ni Joe Caguimbal)
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...