Thursday, August 10, 2017

No. 1 drug suspect sa Albay, nabadil, gadan




LEGAZPI CITY 8/10/17 (BICOLSTANDARD) – An pig pig coconsiderar na No. 1 sa listahan kan mga pigtutubodan na imbuelto sa illegal na droga sa Albay an binawian nin buhay sa pakipag badilan sa mga pulis.

Si Orlando R. Rolda, Punong Barangay kan Paulog, Ligao City, an naporohan nin bala hale sa mga awtoridad kan suboot mag probar siyang maglaban.

Sigon sa pahayag ni Chief Inspector Arthur Gomez, an spokesman kan Albay PNP, mas pinili ni Rolda na maglaban sa mga awtoridad en vez na magsuko na sana kan maaraman na mga pulis si saiyang naka-transaksyon sa illegal na droga.

Nakatabang kan Ligao City police an saindang Intelligence Branch asin ibang mga drug enforcement agencies sa buy bust operation contra sa ki Kapitan Rolda.

Si Rolda dati nang nagsuko sa mga awtoridad kan enot na ipig lansar an Oplan Double Barrel.

Alagad, pirang aldaw sana an nakalihis nagbwelta na naman siya sa aktibong pagpabakal kan illegal na droga.

Gusto kuta kan mga pulis na kumbensiron si Rolda na mag-suko sa mga awtoridad, alagad nagbunot tulos kan saiyang badil asin nakipag ribayan nin putok sa mga awtoridad.

Maroromdoman na pirang beses nang naging laog kan mga bareta si Rolda.

Enot, sa ciudad nin Naga, kan binadil niya si Myrna Reyes sa sarong bar sa Magsaysay Avenue.

Na-imbeulto man an saiyang pangaran sa saro pang incidente sa Pili, Camarines Sur.

Mientrastanto, sa pinakahuring incidente sa Paulog, Ligao City, kaiba kan mga pulis bilang mga testigo, iyo an representante kan Departamento de Justicia, mga miembros kan local na media asin mga official kan barangay.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...