Saturday, August 5, 2017

Natodas na si 'Judas' sa Sorsogon City


SORSOGON CITY 8/5/17 (BICOL STANDARD) – Nagadan na si “Judas” kasubagong alas 3:35 nin hapon kan siya mabadil kan pulis sa buy bus operation na ginibo sa Barangay Bibingcahan digdi.

Si “Judas” na an tunay na pangaran Roel Lato, sabi sa report nakipag transaksyon sa ahente kan pulis na nagbakal saiya nin shabu.

An buy bust operation ipig lansar kan Regional Police Drug Enforcement Unit kan Regional Intelligence Unit 5, katuwang an Provincial Drug Enforcement team kan Sorsogon asin kan Sorsogon City Police

Nagluluwas sa pag-sinasat na bistado an victima na pusikit na para tinda nin droga sa nasambit na lugar.

Sabi pa kan pulis nag probar si “Judas” na maki suway sa mga awtoridad na kan siya aarestaron kan mag positibo an buy bust operation.

Armado siya nin badil na dai aram kun anong calibre.

Si alyas “Judas” an primerong nagadan digdi poon kan magtukaw sa pwesto an bagong hefe kan pulis kan Sorsogon City asin sa turno na kan bagong hefe kan pulis sa provincial kan Sorsogon.
Share:

Featured Post

Bicol Central Station to launch online booking and payment portal this week

NAGA CITY (Bicol Standard) – The Bicol Central Station will launch on August 23 its Online Booking and Payment Portal as part of the st...