Thursday, August 17, 2017

Naga City, pinakadakol na caso nin HIV-AIDS sa Bicol


NAGA CITY 8/16/17 (BICOL STANDARD) –An Naga City an may pinaka dakul na tawo na naolakitan kan helang na HIV-AIDS, sabi kan Department of Health sa Bicol.

Susog sa pinakabagong report, igwa na ngonian nin 71ng residentes digdi an igwa kan siring na haling; 10 sa Iriga City, tig aranom an mga banwaan kan Baao, Magarao.

Igwa man nin may siring na helang sa Calabanga, Goa asin Ragay, asin 9 pang iba.

Sa laog nin limang bulan poon kan Enero hasta Mayo, 2017, 21 nang caso an nairihistro sa Camarines Sur.

An total na numero na affectado kan nasambit na helang sa Bicol, 89 na gabos.

Base sa pahayag ni Dr. Rey Millena kan DOH Region 5, nakaka alarma an siring na sitwasyon kan HIV case sa Bicol.

An DOH nagpapadagos sa pagkalap nin mga impormasyon para mamonitor an paglakop kan helang.

Idinagdag pa sa report na libre an pagpa-examen kan sisay man na pwedeng may tama kan sinambit na helang.

Pwedeng magdulok sinda sa City Health Offices sa Region V.

Mientrastanto, nagpatanid liwat an mga doctor sag abos na mag-ingat na maray sa HIV AIDS, orog na sa “unsafe sex asin multiple partners”, sabi pa sa report.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...