Wednesday, August 16, 2017

Nag-ikit nin mga bitamina, sabon; nadakop kan sekyu



NAGA CITY 8/16/17 (BICOL STANDARD) –Binitbit kan sekyu kan SM City an 29 anyos na lalaki na taga Zone 5, Inarihan, Barangay Carolina na nadakop na naghabas nin 4 na pidaso nin Myra-E, (P98.75 an kada saro); 1 botelya nin multivitamins na Enervon tablet (P194.75) asin 2ng pidasong sabon na Likas Papaya (P77.75 an kada saro).

An suspechado nabistong iyo si Benedict Santos y Camacho.

Pinugolan siya kan mga sekyu mantang patuyatoy na kuta na madulag sa luwas kan Supermarket Store sa SM City Naga, daradara na an mga hinabonan.

Nagluwas na imbestigasyon na saro-sarong ilinaog sa saiyang brown na bag an mga hinabon na gamit asin sekretong nag-ibitar na magbayad sa cahera dangan naglakaw na padulag.

Pakatapos na tukloon siya kan mga security guards dinara siya sa pulis tanganing sangatan nin reklamo.

Si PO2 Jay Cortez kan Naga City Police an nag-iimbestigar kan casong ini.

Susog sa record kan pulis, kadakul an mga nadakop kasuodma na mga sagin-sagin na para saod na dai nagbabayad sa counter kaya nagbugtak sinda nin dakul na mga bantay.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...