Wednesday, August 16, 2017

Illegal na parapataya sa STL dinarakop sa Albay



CAMALIG, Albay 8/16/17 (BICOL STANDARD) –En vez na mapoho an illegal na sugal na jueteng orog pa lugod na naglangkaba ini poon na maging legal an operasyon kan Small Town Lottery (STL) na garo man sana jueteng.

Base sa obserbasyon nagparadakul an mga bookies na an nasa likod kan illegal na operasyon iyo man sana an mga tawohan kan mga legal na operador kan STL.

Mientrastanto, kasuodma, 24 personas an dinarakop kan pulis huli ta mayo sinda nin darang validong papel na mapatunay na awtorisado sinda magpataya sa sugal na ini.

An mga nagkadarakop nag-ooperar sa Barangay Cotmon digdi.

Kabale sa listahan kan mga nagkadarakop iyo an minasunod: Darwin Morota, Luis Mangampo, Randy Nocillado, Domingo Nicerio, Edgar Echaluce, Noel Lleva, Jesus Vibar Jr., Nonilon Naz, Eladio Mimay, Jomar Macasinag, Randy Marticio, Andrin Neo, Dindo Vibar, Eduardo Tugaw, Mark Edwin Magnata, Nino Nebreja, Rustom Magallon, enrico Olayao, Nestey Bobadilla, Jomar Atienza, Roberto Romero, Alexander Espinosa, John Rafael Masupil asin Christopher Rivera.

An 24 personas na nagkadarakop mayo sa master list kan mga awtorisadong empleado/agente kan STL sa Albay.

Kabale sa mga pig balga ninda iyo an minasunod na reglamento: Mayo nin uniform sa pagpataya, ID card, SSS Number, asin dai awtorisado kan Philippine Charity Sweepstakes Office (PCSO) an saindang operasyon.

An mga pulis na nagdakop nagsabi na sinda gabos nadakop mantang yaon sa akto na nagpapataya bilang bookies kan STL.

An mga evidencia na nakua sa saindang poder iyo an papeletos kan PCSO, ball pens, calculators, taya na cuarta na nagtotal sa kantidad na P11,400.00.

Maatubang sinda nin kaso na isasangat kan pulis.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...