Monday, August 14, 2017

DA Bicol nagpatanid manungod sa avian flu


NAGA CITY 8/14/17 (Bicol Standard)--Nagpaluwas nin Patanid sa Publiko an Department of Agriculture Regional Field Office 5 ngonian na aldaw manungod sa pagkagaradan kan mga pugo, itik asin manok sa San Luis, Pampanga:

"Base sa naging resulta kan disease investigation and sampling and laboratory testing na ginibo kan miyembros kan Animal Welfare & Health Division kan Bureau Of Animal Industry asin kan mga personahe sa DA Region 3 na konpirmar na ang pagkagaradan kan mga pugo, itik asin manok sa San Luis Pampanga dara kan Bird Flu reactors o Avian Influenza Type A Virus. Ang BAI nagpadara na kan sample sa Australian Animal Health Laboratory para sa molecular asin genetic analysis.

Nin huli kaini an Departamento nin Agrikultura sa paagi ni Sekretaryo Emmanuel PiƱol asin in coordination sa ibang nanunungdan na ahensiya sin Local Government Units nag adoptar kaining minasunod na lakdang:

1. Ang pagdeklara nin QUARANTINE Area and pag establisar nin inital na 12 quarantine checkpoints sa laog kan 1 kilometro radius kan apektadong lugar sa San Luis asin San Simon sa Pampanga.

2. Ang inmediatamenteng pag convene o pag conferencia kan Avian Influenza Task Force sa national, regional, provincial asin municipal level;

3. Ang pag enforsar o pagpautob kan mga minasunod na aktibidades duman sa mga lugar asin palibot na infected asin pigdeklarang quarantine areas:

a. Pagcontrol kan movement o paghiro/dara kan gabos na poultry, poultry products and by products sa laog kan 7 km radius. Kabali digdi ang manok, itik, pugo, manok na pambulang, pabo asin salampati asin an karne asin sugok ninda buhay man o naproseso na;
b. Stamping out o pagpuho kan population kan mga nasambit na hayop asin ang pag pautob kan tamang pag dispose kan mga gadan na manok, itik asin pato sa laog kan 1 kilometro radius o palibot duman sa mga infected na lugar asin pagtaraid;
c. Tamang pag dispose kan mga bahog, produktong hale sa mga apektadong hayop asin iba pang gamit sa mga istaran o lugar kan nasambit ng mga hayop duman sa apektadong lugar.
d. An maigot na pag surveillance o pag monitor kan gabos na poultry animals sa laog kan kilometrong radius na pinagtalaan.

4. Siring man ipapautob ang paglinig asin maigot na pag disinfect kan gabos na gamit sa mga poultry houses o istaran kan mga nasambit na hayop kaiba ang mga vehikulo, asin facilidades bago mag poon uli mag stock nin hayop;

5. An pagbawal sa mga poultry farms saka kaharungan na sakop kan quarantine areas na mag restock nin mga manok, itik, pato, pabo , manok pambulang asin salampati na mayo nin permiso kan mga nanonongdan na awtoridad kan gobyerno."
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...