Sunday, August 6, 2017

Barangay Officials kan Siruma pig suspender kan Ombudsman




SIRUMA CSur (BICOL STANDARD) – Suspendido nin anom (6) na bulan sa saindang servicio asin mayo nin makukuang benefisyo sa gobierno sinda Punong Barangay Russel T. Clemente, kan Vito, Siruma, Camarines Sur asin si Lilibeth P. Galvez, terorera kan nasambit na barangay.

Ini an ipinaluwas na desisyon kan Ombudsman bilang kastigo sa duwang mga official kan barangay, huli kan reclamo contra sainda para sa Gross Neglect of Duty; Grave Misconduct.

An desisyon kan Ombudsman nagluwas kan Julio 22, 2017.

Si Punong Barangay Clemente asin an barangay treasurer na si Lilibeth ipig reclamo sa Ombudsman huli kan pagbalga kan COA Circular 2012-005 na may fecha Dec 7, 2012, sa dai pag submit kan Punong barangay certification sa accountant asin auditors sa laog nin 15ng aldaw sa katapusan kan lambang bulan.

An reclmo contra ki Clemente asin Galvez firmado ninda Silvestre C. Montejo Jr., Rafael Lacson, Leonardo Quinones asin Edwin del Castillo.

An apat na complainants nag surat na sa Provincial Director kan DILG sa Camarines Sur asin naghagad na ipaotob na an suspension order sa duwa.

Pig hahalat n asana an direktiba hale sa Provincial Director kan DILG na masugo sa mga ipig reklamo para ipasunod na an kasuguan kan Ombudsman.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...