Thursday, August 24, 2017

Babae, gadan kan tamaan bala hale sa piglilinigan na badil


DAET, Camarines Norte 8/24/17 (Bicol Standard) -- Binawian nin buhay an babae na aksidenteng nabadil nin retiradong miembro kan pulis sa Barangay Alawihao sa banwaan na ini.

An saiyang pangaran iyo si Antonieta Calnea, 58 anyos an edad.

Sabi kan imbestigador aksidenteng nakiblit kan suspechadong si Leodel Belaro, 57, an gatilyo kan pig lilinigan niyang badil sa bakanteng lote kataid kan harong kan victima.

Idinalagan pa sa doctor si Calnea alagad mayo na nin hinangos kan makaabot sa hospital.

May tama siya nin bala sa walang parte kan liog.

Mientrastanto, nagsuko tulos sa mga awtoridad an nakadisgracia.

Maatubang siya nin kasong reckless imprudence resulting to homicide, sabi kan imbestigador.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...