Tuesday, August 22, 2017

Ama, tinadtad nin taga an aki na adik


LEGAZPI CITY 8/22/17 (BICOL STANDARD) –Inako kan 74 anyos ama, na si Nelson Cimanes y Mapa na siya an naggadan kan saiyang aki na si Ramil Cimanes y Mendoza kasubagong alas 5:45 nin aga, sa laog kan harong kan victima.

Segun sa declarasyon kan gurang (Nelson Cimanes) dinisidiran niyang gadanon an saiyang 39 anyos na aki, ta kun dai, siya an pwedeng mapeligrohan an buhay.

Antes mangyari an krimen, sinabi kan suspechado na pirme siyang pighohomaan na gagadanon kan saiyang aki orog na kun sinda nag-iiwal.

Inako kan ama na an saiyang aki drug dependent.

“Talagang dai ko na siya bubuhayon ta baad ako pa an gadanon,” sabi kan ama na mayo nin pagbasol sa nangyari.

An victima tadtad nin lugad sa man laen-laen na parte kan saiyang lawas.

Igwa pang naheling na mga tama nin saksak.

Nangyari an krimen sa Purok 4, Barangay Banag, Daraga, Albay.

Sabi ni Police Chief Inspector Arthur Ramirez Gomez, an spokesman kan Albay Police Provincial Office, an victima binawian nin buhay sa pinangyarihan kan krimen.

Yaon na ngonian sa carcel an suspechado, mantang pighahalat na isangat an caso contra saiya.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...