Sunday, August 6, 2017

Aksidente sa Pamplona, CSur 1 an gadan; 1 irido



PAMPLONA, CSur 8/6/17 (BICOLSTADARD) Gadan an driver kan motorsiklo na nakabangaan kan papmasaherong jeep sa banwaan na ini, mantang an nakasuno saiya, may mga rungas sa lawas.

An binawian nin buhay iyo si Armando Bien asin an backrider iyo si Antonio Madera.

Nangyari an aksidente sa Barangay San Gabriel digdi.

Sabi sa report an jeep na nabudalan kan motorsiklo masiko kuta sa may intersection kan nasambit na barangay kan mangyari an aksidente.

An driver kan jeep iyo si Jerome Luna, 28 anyos an edad.

Mientrastanto, nin huli sa marikas na pagbudal kan motorsiklo sa jeep naka apon an driver kan motorsiklo asin an kasuno niya.

Nag-kaigwa nin tama sa payo an driver kan motorsiklo na iyo an saiyang ikinagadan.

An driver kan jeep yaon pa sa hepatura kan pulis para sa magkakanigong disposisyon.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...