Tuesday, August 22, 2017

9,000 na balut, pigcompiscar sa Masbate


MASBATE CITY 8/22/17 (BICOL STANDARD) -- Pinogol na sa port area an rinibong balut na gustong darahon digdi kan mga negosyantes kan sarong aldaw.

Sabi sa report dai nakapaheling nin mga papeles an viajero kan balut kaya dai tinugotan na makahale an cargamento sa port area digdi.

An mga awtoridad naghigot na maray sa pagreparo kan mga papeles kan mga nagdadara nin manok asin sugok palaog sa lugar, huli kan pag-ibitar na makalaog sa saindang terrorityo an tinatakutan na bird flu.

An mga miembros kan Maritime police katuwang an Bureau of Animal Industry (BAI) an nagpapaotob kan estriktong reglamento sa palaog asin paluwas sa provincia kan Masbate kan mga producto agricultural, arog kan manok, itik, pabo, pato, pugo asin iba pa.

Mientrastanto, an rinibong balut na palaog kuta sa Masbate an sinulo kan mga awtoridad.

An sabi, nagduda an mga maritime police asin taga Bureau of Animal Industry ta an declarasyon kan may sadire kan 9,000 na pidaso nin balut, hale suboot sa Sorsogon.

Alagad, nakakua sinda nin informasyon na hale sa pier kan Pioduran, Albay.

An kantidad kan balut P120,000.00.

Bakong malinaw an informasyon kun tano ta nakalusot an balut pasiring sa Masbate, apisar kan malinaw na pangalad hale sa Departament of Agriculture na prohibido an pagdara pasiring digdi. (Bareta ni Jet Ramos)
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...