Wednesday, August 16, 2017

3ng hepe kan pulis sa Bicol, talsik sa pwesto



LEGAZPI CITY 8/16/17 (BICOLSTANDARD) – Tulong (3) hepe kan pulis sa Bicol an ipig rekomendar na ribayan sa pwesto huli sa maluyang performance sa paglaban sa illegal na sugal sa saindang distino.

Ini an sabi ni Police Regional Office V spokesperson Sr. Insp Ma. Luisa Calubaquid.

Sabi niya, an saro digdi, iyo an hepe kan Donsol Police Station sa Sorsogon asin an duwa nakadistino sa Camarines Norte.

Mismong an Police Provincial Director kan nasambit na mga provincial an nagsumitir kan saindang pangaran sa Camp Simeon Ola, sabi pa sa report.

An desisyon na ribayan sinda bilang hepe guikan sa pagboot ni Presidente Rodrigo R. Duterte na an sisay man na hepe kan pulis na maluya an performan dapat haleon sa pwesto.

Nagsayuma ngonang si Calubaquib na sambiton an pangaran kan mga riribayan na hepe sa rason na tatawan pa sinda nin panahon na magpaliwanag sa technical working group.

Maroromdoman na nagpaluwas nin 15ng aldaw na ultimatum si Police Director General Ronald “Bato” Dela Rosa para pohoon an gabos na klaseng illegal na sugal sa bilog na nasyon.

Digdi sa Bicol, an pulis nakadakop na nin 1,500 na mga tawo na imbuelto sa illegal na sugal poon na ipig lansar an higot kan kampanya kontra sa nasambit na aktibidad.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...