Thursday, August 17, 2017

21ng cabo arestado, haros P200 mil nakumpiskar


LEGAZPI CITY 8/17/17 (BICOL STANDARD)-- Sinakyada kan pulis an opisina asin pig bobolahan kan sugal na Small Town Lottery (STL) kasubagong alas 12:15 nin odto.

Dinakop an 21ng cabo.

Sa entrevista kan BICOL STANDARD ki PSupt Eymard Gomez, OIC kan Legazpi City Police, saiyang sinabi na an saindang operasyon parte kan pinakusog na kampanya kontra sa gabos na forma nin ilegal na sugal.

Mantang sinusurat an baretang ini, an 21ng mga cabo asin corriador kan STL an yaon pa sa hepatura kan pulis, mantang pighahalat an pag sangat kan formal na caso sa oficina kan fiscalya sa aga.

An mga nadakop na suboot imbuelto sa ilegal na sugal na ginigibo sa Lakandula Drive, sa Barangay Gogon, Legazpi City iyo an minasunod: Roger Anunuevo y Araojo; Raymundo Abiera y Almayda, Oscar Mina y Redito, Gerald Ayson y Dy, Jerwin Nebria y Calisin, Lito Armero y Botin,Ronnie Ricafort y Aranil, Jomar Paul Liabres y Imperial, Larry Nunez y Perez, Vincent John Arao y Aguinillo, Ronel de Guzman y Anda, Antonio Ascutia y Sarza, Noel Bahoy y Carretero, Alfredo Navarro y Imperial, Elmer Lorejo y Soledad, Reymon Geronimo y Santos, Nilda Bahoy y Nunez, Gemma Maceda y Rosare, Ma. Theresa Llorca y Brin, Rosita Luna y Asaytuno, asin Teotimo Ramirez y Divina.

Ipinahayag ni Gonez na dinakop sinda huli kan pagpataya nin STL na mayo nin magkakanigong papeles sa pagpataya, mayo nin uniforme, asin dakul pang pigbalga na reglamento susug sa ipig papasunod na Implementing Rules and Regulations sa sugal na STL.

An mga nadakop nagbibilang kan mga taya na cuarta na nagaabot sa kantidad na P197,392.00.

Nakua an ibang mga evidencia arog kan 4 na pidasong columnar worksheet, 1 calculator, stapler, mga ball pen, stamping pad asin dakul pang iba.

May suspecha an mga awtoridad na an lugar na saindang sinakyada bookies kan sugal na STL sa ciudad na ini.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...