Sunday, July 9, 2017

Tindahan sa Goa, CSur sinalakat


GOA, Camarines Sur 7/9/17 (BICOL STANDARD) –Sarong 19 anyos na lalaki, kaiba an duwang menor de edad an kinasohan sa banwaan na ini huli sa pagsalakat sa tindahan na sadire ni Mary Jane Perico y Flororita asin Darryl Perico y Gavica, na residente kan Barangay Boclod digdi.

An incidente nangyari mag-omagahon kan sarong aldaw sa nasambit na barangay.

Nadakop sa paghabon iyo si Christian Manrique y Delos Santos, 19 asin an duwa niyang kasapakat na pareyong menor de edad (14 anyos).

Pigsasabing an nagplano kan pagsalakat iyo si Manrique, na taga Barangay Bagumbayan Grande kaiba an duwang menor de edad na taga Barangay Soledad, San Jose, Camarines Sur asin an saro taga Barangay Taytay digdi.

Nakalaog sa tindahan an tulo sa paagui kan rangka kan kandado.

Pinonpon kan tulong suspechadong parahabon an man sari-saring clase nin junk food, tamong na color pula.

Sabi kan pulis nasusug ninda an mga suspechado sa tabang kan mga testigo na nakaheling kan pagsalakat.

An saro sa duwang menor de edad na kabale sa paglaog sa tindahan an nakadulag asin hinahanap kan mga pulis.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...