Friday, July 14, 2017

Taga-Nabua, CSur bagong pamayo kan Highway Patrol Group


Si Chief Supt Arnel Escobal kan Philippine Military Academy Class 1987, iyo an nagribay ki C/Supt Antonio Gardiola bilang pamayo kan Highway Patrol Group kan nasyon.

Si Gardiola iyo an bagong magtukaw na Bicol PNP Regional Director kan Bicol.

Dati siyang deputy regional director for Administration sa Region VI.

Matua siyang tugang ni Supt. Filmore Escobal, na dating City Director kan Naga City PNP.

Iyo ini an saiyang primerong National Support Unit Assignment.

Si Chief Supt. Arnel Escobal propiong taga San Francisco, Nabua, Camarines Sur, aki ni depuntong Mariano Escobal, na dati man na miembro kan PNP sa Camarines Sur.

Si C/Supt Escobal saro man na abogado, na naka pasar kan 1998, alagad tinugotan pa sanang mag firma sa Roll of Attorneys kan naka aging Mayo.

Nag graduar siya sa San Beda Law School.

Mientrastanto, maroromdoman na dati siyang miembro kan Intel Group kan PNP. Kan 1990, mantang nag coconducir nin surveillance operation sa Naga City, na-imbuelto siya sa shooting incident na nagresulta sa pagka gadan ni Rodney Nueca.

Nangyari an incidente sa Sa Harong Café Bar and Restaurant sa Barlin Street.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...