Saturday, July 29, 2017

Ret pulis, 2ng suno sa motorsiklo gadan sa aksidente




LEGAZPI CITY 07/29/17 (BICOLSTANDARD ) – Tulong personas, an saro digdi retiradong pulis an nagadan sa makangirhat na aksidente sa tinampo sa Purok 1, Barangay Cabunturan, Malinao, Albay, sabi sa report kan pulis.

Segun ki Police Chief Inspector Arthur R. Gomez, an Police Provincial Office Public Information officer nangyari an aksidente kasubagong alas 4:56 ngonin na hapon.

An nagadan na retiradong pulis iyo si Pedro Clet y Cruzana na taga Barangay Libtong, Tiwi, Albay.

An duwang iba pa na mga kasunod sa motorsiklo, na pareyo man nagadan dai pa pinangaranan sa report.

Nagluluwas sa pag-siyasat na nagadan tulos an dating pulis huli sa mortal na mga tama, kabale an pagkapusak kan saiyang payo sa cementadong tinampo.

Sabi sa imbestigasyon an motorsiklo na piglulunadan kan mga victima nagdadalagan hale sa Malinao pasiring sa Tiwi.

An nakabangaan kan motorsiklo iyo an Suzuki Ertiga na awto na pasiring an dalagan sa Tabaco City.

Sabi pa sa imbestigasyon nakalaog sa walang linya kan tinampo an sports utility vehicle kaya nabudalan kaini an motorsiklo na piglulunadan kan mga victima.

An awto pig mamaneho ni Jimmy Boglagdan y Anaclero, taga Barangay Sogod, Tiwi, Albay.

Nagpapadagos pa an imbestigasyon kan kasong ini hasta ngonian.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...