Wednesday, July 5, 2017

Rebel returnees hale sa Masbate nasa livelihood training ngonian




LEGAZPI CITY- Dinara na sa Provincial Office kan PNP sa Masbate an sari-saring clase nin badil na isinuko kan 19ng mga dating miembros kan New People’s Army (NPA) na nagsuko sa mga awtoridad.

Sabi ni P/SrSupt Froilan Elopre, an PNP Provincial Director kan Masbate, an naghatod sa pulis kan mga isinuko na mga armas iyo an 2nd IB kan Army.

Kabale sa mga ipig turn over iyo an 11ng mga makukusog na calibre nin badil asin mga bala.

Mientrastanto, an mga nagsuko na dating rebelde yaon ngonian sa lindong kan training program kan PNP katuwang an mga ahensiya kan gobierho arog kan Department of Labor and Employment, Technical Educational and Skills Development Authority (TESDA) asin an Department of Social Welfare and Development (DSWD).

An saindang training parte kan paghanda sa pag proceso kan mga document para sa pag-bwelta ninda sa sociodad.

Mientrastanto, higot man guiraray an saindang seguridad huli kan mga huma hale sa mga miembros kan NPA sa saindang buhay.

Kabale sa grupong nagsurender hale sa banwaan kan Milagros, Masbate, na midbid na saro sa mga banwaan na grabe an pag-tios kan mga namamanwaan.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...