Saturday, July 15, 2017

Populasyon kan Cam Sur, maabot nang 2 milyones--PSA


NAGA CITY 7/15/17 (Bicol Standard) -- Poon kan taon 2010 sagkod kan 2015, nagdugang an populasyon kan Camarines Sur nin 130,173, sabi sa pinaka bagong release na bareta kan Philippine Statistics Authority kasuodma.

An boot sabihon, sa presente an total na populasyon kan provincia 1,952,544 ngonian.

Kan taon 2010 an populasyon kan Camarines Sur, 1,822,371 an total.

Nangangahulugan na an kada taon, an satong populasyon minadagdag nin 1.32%.

Mientrastanto, an Naga City pa man guiraray an may pinakadakulang populasyon sa Cam Sur.

Sabi kan PSA, an Naga City may total na populasyon na 196,003.

An Iriga City 111,757.

Sa mga banwaan, an may pinakadakol na tao iyo an Libmanan 108,716 o kulang sana nin 3,041ng tawo, antes na mapantayan kan Libmanan an populasyon kan Iriga City.

Pili –89,545

Nabua –83,874

Calabanga – 83,033

Buhi -77,143

Bula, 69,430

Tinambac – 67,572

Sipocot – 64,855

Goa – 63,308

Baao -58,849

Ragay – 58,214

Lagonoy – 55,465

Tigaon -55,272

Minalabac – 52,390

An pinaka sadit na populasyon sa 35ng mga banwaan kan Camarines Sur iyo an Gainza na igwa sana nin 11,262 na populasyon ngonian.

Mas dakul man guiraray an mga lalaki sa Camarines Sur ki kan sa mga babae, ta sa kada 104 na lalaki, igwa sana nin 100 na babae, sa provinciang ini.

Sabi pa kan survey kan PSA, mas dakul an mga lalaki na dai nag aagom ki kan sa mga babae.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...