Thursday, July 6, 2017

Politically-motivated, sabi ni Ex Mayor Cordial sa akusasyon saiya



NAGA CITY 7/6/17 (Bicol Standard) – Politically-motivated.

Ini an enot na sabi ni ex-mayor Constantino Cordial Jr., na mas-bisto sa apod na "Onyo," sa reclamo na isinangat kasuodma sa oficina kan procurador sa Catanduanes sa intrevista kan 91.9 BBS FM.

Sabi ni Cordial dai pa lamang siya nakaheling nin shabu sa entero niyang pagkabuhay asin mayo nin ano man na participasyon o pagkaaram sa mga sahot sa saiya.

Dai itinago ni Cordial sa saiyang pahayag na pwedeng si Cong. Noli Fuentebella o an saiyang mga pag-iriba sa politica an nasa likod kan pag-sabit kan pangran sa caso, huli sa kaanggutan saiya ta naglipat siya sa grupo ni Gov. Migz Villafuerte.

Sabi ni Cordial na preparado siyang mag-atubang sa mga miembros kan media tanganing pahimutikan an akusasyon.

Maroromdoman na itinukdo si ex mayor Cordial kan nagbutwang testigo na kasapakat suboot siya kan grupo na iyong nasalikod kan mega shabu lab sa Palta Small, Virac, Catanduanes.

***

Mientrastanto, pigconfirmar ni Cordial na may pighahaceng petition for recall an kampo kan saiyang mga kalaban, para magpa-election sa cargong alkalde, sa obhetong maribayan an saiyang agom na iyo an incumbent na alkalde ngonian.

An sabi ni Cordial, maski igwa kan siring na petition, dai sinda naghahadit ta mayo nin posibilidad na mangyari ini.

Pigconfirmar niya na an mayoriya kan mga elihidong official kan barangay asin municipal officials an kakampi niya kaya mayong papadumanan an petition.

Nagtutubod siya na dai talaga ma-ontok an kampo kan mga Fuentebella sa planong pagparampahog sainda, orog nang aram kan deputado na makusog an suporta sainda kan mga residentes.

Kan enot pang mga election, segun ki Cordial, dapat nadaog na an mga Fuentebella sa cargong pagka-deputado, kundi nagsandig sa saiya, kaya nanggana sa Caramoan.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...