Friday, July 14, 2017

No. 1 Most Wanted sa Buhi, nadakop sa Minalabac


MINALABAC, Camarines Sur (7/14/17 (BICOL STANDARD) –Tarabang an mga pulis hale sa Buhi, Camarines Sur asin sa banwaan na ini sa pagdakop ki Roderick Berina y Buenaque  na akusado sa casong panlupig (Rape) na bibistahan kan Regional Trial Court (RTC) sa Iriga City.

An akusado nasusug kan mga pulis sa Barangay Hamoraon sa banwaan na ini.

Tinakma si Berina kan pulis sa virtud kan Mandamiento de Aresto na firmado ni Judge Manuel Rosales, kan RTC Branch 34, sa Iriga City.

Base sa record kan jusgado an akusado may inaatubang na 4 na casong panlupig (Rape) kaya mayong fianza an saiyang caso.

Huli sa gabat kan mga casong saiyang inaatubang si Berina iyo an pig coconsiderar na No. 1 Most Wanted sa Buhi, Camarines Sur.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...