Friday, July 14, 2017

Nag salakat sa Pasacao, CSur, nadakop


PASACAO, CSur 7/14/17 (BICOL STANDARD) – Maatubang nin casong criminal na pagsalakat (Robbery) si Mariano Briosa y Canezo na residente kan Zone 7, Brgy. Villarey, Brgy. San Cirilo digdi.

Si Briosa nadakop kan pulis sa hot pursuit operation, pagkatapos na itukdo ni Mila Delara y Maniego na iyo an nagsalakat sa saiyang residencia asin naghabon nin mga gamit.

Nagluluwas sa police report na an suspechado nag-fuerza na naglaog sa residencia ni Delara sa paagi kan pag gamit nin halabang kawayan tanganing raoton an an saindang pwertahan para makalaog.

Mantang nasa laog kan harong kinua kan suspechado an sarong cell phone asin 1ng unit nin iPhone na an kantidad P30,000.00.

Mientrastanto, mantang padulag an suspechado napahalnas siya harane sa gate, asin nahulog hale sa saiyang bulsa an hinabon na celphone kaya nabisto siya.

An mga pulis na naglansar nin hot pursuit operation nadakop an suspechado.

Pighahanda na ngonian an kaso na isasangat contra saiya.

Nangyari an incidente pasado alas 12:30 nin mag-omagahon kasuodma, sabi sa report ni PO2 Ryan R. Dominguez kan Pasacao PNP.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...