Friday, July 14, 2017

Motorboat nalunod sa dagat, 7 anyos na aki nawawara


AROROY, Masbate 7/14/17 (BICOLSTANDARD) -- Pighahanap pa sagkod ngonian kan mga tawohan kan Coast Guard katabang an Disaster Risk Reduction and Management Office kan banwaan na ini an siete (7) anyos na aki na nakalunad sa nalunod na sakayan na de motor, kaiba an tulo pang familia.

Sabi sa report kan Philippine Coast Guard, hale sa Bulan, Sorsogon an motor sa dagat kan Hulyo 12ng bangui pasiring sa Carles, Iloilo tanganing mag-atendir nin kasalan.

Mantang nagdadalagan an sakayan na saindang piglulunadan, nakasabat sinda nin subasko na may kaibang darakulong alon, na iyo an ginikanan kan pagkalunod kan saindang piglulunadan.

An PCG nagpahayag na sa 10 tawo an lunad sa sakayan siyam (9) an nakasalvar.

Pighahanap pa hasta ngonian an 7 na aking nawawara, na nabisto sa pangaran na Rea Roso Molo.

Nadifisilan an mga naghahanap sa nawawarang aki huli ta makusog an uran asin mahiro an dagat sa pinangyarihan kan aksidente.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...