Tuesday, July 4, 2017

Mga paratanom nin tubo, biyo nang nalulugi ngonian


Nadidifisilan na an kadaklan sa mga para paratanom nin tubo sa Camarines Sur huli sa manipis nang maray na ganancia sa pagtanon nin tubo.

Segun sa sumbong sa BICOL STANDARD, dakul nang mga sugar planters an gusto nang magpahingalo sa saindang negosyo na pakatapos kan sarong cropping season, en vez na maka delehensiya, lugi pa, asin nag ririgod na sa pagbayad kan utang.

Kabale sa mga ipig aangrangay ninda iyo an hababaong nang PSTC, na iyo an pigbabasehan kan central sa production nin azucar.

Apuera kaini, biyo na sindang lubog sa utang sa Sugar Central na Pensumil, ta an gabos nindang capital sa pag-tanom, inutang sainda.

Ini apisar kan mga abono asin iba pa, na inutangan man guiraray sainda.

An sabi kan nagsumbong, kun dai magkaigwa nin pagbago sa systema ngonian, dakulang porciento kan mga paratanom nin tubo an masapo nin pagkalugi.

An iba pwedeng maremate pa an saindang mga pigtatanoman na daga ta iyong naka garantiya sa mga utang sa nagpapadalagan kan Pensumil.

Mayo pa nin kasimbagan sa bagay na ini an Pensumil.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...