Monday, July 3, 2017

Mga Notario Publico sa Cam Sur, pinatanidan


NAGA CITY 7/3/17 (Bicol Standard) -- Pinaguiromdom ni Agnes S. Bulanon, Clerk IV sa Regional Trial Court, 5th Judicial Region digdi sa Naga City an mga notario publico na seryosohon na gayo an pag-otob kan mga reglamento asin mga pagboot sa Rules on Notarial Practice.

Sa surat na ipinadara niya ki Judge Pablo Formaran III, an Executive Judge sa RTC, Naga City,pig lista ni Bulanon an apat (4) na puntos na importanteng sunudon kan mga Notario Publico, huli sa nanotaran na lantadan na pagbalga kan Notarial Rules kan ibang Notario Publico.

Oya an apat (4) na nanotaran na salang mga gibo:

1. May mga notario publico na dai nagsusumitir kan copya kan saindang notarial reports, na dapat gibohhon ini sa laog nin 10ng aldaw kan kada bulan;

2. May mga nawawarang documento na sa pig notariohan kan ibang notario public.

3. An notarial reports kan ibang mga notaries public -iba man an documento na ipig rehistro sa registry ki kan sa i-sinumitir asin naka takod sa document sa notarial registry;

4. An iba, dai na nag sumitir sa executive judge nin formal na noticia kan saiyang resignation bilang commissioned notary public asin dai ipig surrender an saindang notarial seal, notarial register asin records.

Kan naka aging Sabado,(Julio 1) an Integrated Bar of the Philippines digdi sa Camarines Sur nagkaiwa nin meeting sa IBP building digdi para tukaron an problemang ini.

Sa informasyon an mga abogado, igwa nin tawo na bako man na awtorisadong Notario Publico an mahigoson magnotaryo na nag-ooperar sa Rinconada Area.

Uso nang maray ngonian sa mga opisina kan Notario Publico, na an nag nonotaryo iyo an mga clerks o secretary kan abogado – na bawal na gayo. Ini an rason kun tano ta an ibang Notary Public, P30 na sana an singil, sa kada document. Uso ini, orog sa centro kan Naga ngonian.

An organisasyon kan IBP nakiolay na sa NBI na tiktikan an palsipikadong Notaryo Publiko, asin kun madakop, ramalan tulos asin sampalingon nin caso.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...