Wednesday, July 5, 2017

Chief security sa SP kan CSur, naghugot



NAGA CITY—Nakuang mayo na nin buhay asin nagkakarigos sa saiyang dugo si Liberato Barja, 53, chief security sa Sangguniang Panlalawigan kan Camarines Sur, sabi sa report kan pulis.
Si Barja nagbadil sa saiyang sadire sa saindang harong sa Pili, Camarines Sur.

Segun ki PSupt. Errol Garchitorena, hepe kan Philippine National Police kan nasamit na banwaan, an victima haloy nang may minamate na helang sa puso, na pwede iyo an rason sa pag-suicide.

Sabi sa imbestigasyon, may tama nin bala sa walang parte kan daghan hale sa calibre .45 na iyo an saiyang ikinagadan.

Nagwalat nin suicide note si Barja para sa saiyang ina, agom asin mga aki na nagsasabi na dai na niya kayang tioson an saiyang helang.

An mga miembros kan Sangguniang Panlalawigan nagpaabot na nin mensaheng pakikidumay sa pagmundo kan saiyang famila asin mga nabayaan sa buhay.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...