Sunday, July 9, 2017

Binadil saTinambac, CSur, pigbubulong sa BMC


TINAMBAC, Camarines Sur (BICOL STANDARD) – Mayo pang senyal na maghuraw an serye nin krimen kan mga dai nabibistong mga lalaki na armado nin makusog na mga badil asin bwelong naglalakaw-lakaw sa mga pwerang barangay kan banwaan.

An ultimong biktika kan mga criminal iyo si Sandy Corre y Refugio, na residente kan Barangay San Antonio digdi.

Sabi sa report, alas 8:30 nin banggui lilaog kan criminal an lugar na kinakamugtakan kan victima.

Duwang mga dai bistong lalaki na naka-itom na jacket, may kalo asin khaki na pantalon an imbuelto sa krimen.

Isinaysay sa report kan pulis na an victima maogmang nagkakarakanta sa videoke bar kan biglang magpaheling an armadong lalaki na pinaputokan tulos nin nagkapirang beses an victima.

An ginamit na badil calibre .45.

Nagsapo nin nagkapirang tama nin bala an victima, kaya idinalagan tulos sa Tinambac Municipal Hospital.

Ibinalyo siya sa Bicol Medical Center lunad kan ambulancia kan banwaan.

Arog kan enot na mga kaso nin garadanan, nakalista na naman sa tubig an krimen na nangyari sa victima.

Mayo pang informasyon kun naghihiro-hiro na lamang an mga opisyal kan banwaan para atubangon an problemang ini.

Mientrastanto, an motibo kan caso dai pa man sinabi, segun sa mga nagsisiyasat.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...