Thursday, July 20, 2017

Bicol International Airport, dai pa mahahaman


DARAGA, Albay (Bicol Standard) -- Ma-aatraso pang maray an pagpoon kan construction kan Bicol International Airport sa Daraga, Albay, pagkatapos na pondohon ini, apisar kan inaprobaran na ni Presidente Duterte an proyekto.

Segun sa report an Department of Transportation dai pa nag issue kan notice to proceed sa construction kan P4.8B na international airport, na dapat matapos kuta na sa laog kan tulong taon na target kan gobierno.

Sabi sa informasyon, an delay nangyari huli ta maski pa inaprobaran na an “notice of award”, mayo pa nin “Notice to Proceed”, para sa International Airport.

Si Presidente Duterte iyo an nanginotan sa groundbreaking ceremony kan Bicol International Airport kan Deciembre 2016 na kun saen ipig promise kan hefe ejecutibo na matatapos ini sa laog nin tulong taon, na mayo nin corruption.

Mientrastanto, poon kan pinonan ini, an Bicol International Airport, an gobierno nag gastos nan in kantidad P1.6 B para sa pagbakal kan daga asin construction kan 2.1 kilometros na runway.

An airport namumugtak sa barangay Alobo, Daraga, Albay, asin namumugtak sa 148 hectaryas na daga na may 2,100 na metro na runway strip.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...