Thursday, July 6, 2017

Basurahan kan Naga sa San Isidro, i-rereklamo kan taga Palestina, Pili


NAGA CITY 7/6/17 (Bicol Standard) -- Naghahanda na an mga residentes kan Palestina, Pili, Camarines Sur na magprotesta sa desisyon kan Ciudad nin Naga na ibugtak an saindang mga basurahan sa barangay San Isidro, na kataid kan saindang barangay.

Sa tiripon na ginibo kasubago sa Palestina, pig-orolayan kan mga residentes kaini na mapetisyon sinda contra sa nasambit na plano ta may dakula ining efecto sa saindang mga residentes, arog kan sinasapo ngonian kan mga taga Naga.

Labing 100 na mga residentes an nagtiripon sa presensya ni Punong Barangay Efren Amisola, dara an sari-saring reklamo, huli sa final nang desisyon kan Naga City na ibugtak an saindang basurahan sa lugar na an pag-oltanan sa Palestina, sadit sanang creek.

Aram kan mga taga Palestina an nangyari sa Barangay Balatas, Cararayan, San Felipe, Pacol asin sa iba pang mga barangay na pinapasakitan kan mga oficiales kan ciudad na paparongon kan mabataon na basurahan sa Balatas dumpsite.

Maski na sinasabi kan ciudad na sarado na ini, oro aldaw pa guiraray an pag-dagmang nin basura sa nasambit na lugar.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...