Sunday, July 9, 2017

4 na lalaki, makusog na mga armas, nadakop sa Libon, Albay


LEGAZPI CITY 7/9/17 (BICOL STANDARD) – Apat na personas an inarestar kan mga miembros kan 83rd IB, 9th ID kan Philippine Army kasuodmang aga sa Sitio Magaragad, Barangay San Pascual, Libon, Albay.

An mga dinakop na tawo kakasohan nin pagsaray nin mga makukusog na clase nin armas asin mga bala.

Nabisto an mga nadakop na suspechado na iyo sinda Marlin Binoya y Lizardo, Santiago Roaring y Ababag, Alvin Malate y Orias asin John Adrian Sapnop y Secillano.

Pinanginotan an team kan 83rd IB kan Philippine Army ni 1Lt. Cris B. Mercado na nakabase sa Mabalodbalod, Tigaon, Camarines Sur.

Alas 11:10 nin odto ginibo an operasyon kan army sa bukid na parte kan Sitio Magaragad.

Kabale sa mga nakuang armas iyo an 1 unit na carbine, 1 unit nin KG9, 2ng units nin calibre .9mm, 1 unit nin cal .45 na pistol asin sari-saring clase nin mga bala.

Dinara si mga naarestar na persona sa Libon Municipal Police Station.

Maatubang sinda nin kasong pagbalga kan RA 10591, an Illegal Possession of Firearms and Ammunition.

Pighahalat pa an pulis kan Libon na magpaluwas nin informasyon kun saen sindang grupo kabali, kun igwa man.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...