Thursday, June 1, 2017

Turista sa Labo, CNorte, inatong sa baha

DAET, Camarines Norte (Bicol Standard) – Tarabang na an mga opisyal kan banwaan asin an mga residentes kan Labo, Camarines Norte sa paghanap kan sarong turista na inatong kan tubig sa sapa kan nasambit na banwaan.




Segun sa pulis, nabisto an nawawarang turista na iyo si Crisanto Villoria, 53, taga Provincia kan Pangasinan.

Base sa enot na resulta kan pag-siyasat, an victim asin an amigo niyang si Adonis Estante, nagprobar na magbalyo sa salog kan Busig-on kan i-atong siya kan makusog na bulasok kan tubig baha.

Dakul nang mga tawo an nagtarabang na maghanap kan hawak kan victima, alagad hastang sinusurat an baretang ini, dai pa siya nasasapod.

An mga opisyal kan Municipal Disaster Risk Reduction Management Council kan Labo, katabang an Philippine National Police (PNP) tarabang sa paghanap kan nawawarang hawak kan victim.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...