Thursday, June 15, 2017

Trimobile driver gadan kan magbudal sa jeep

NAGA CITY (Bicol Standard) Nagadan an driver kan tricycle na nagbudal sa pampasaherong jeep aksidente kasubagong alas 6:40 nin aga, sa Barangay Sta. Maria, Iriga City.




An victima iyo si Faustino Mape y de la Cruz, 57, taga Barangay Sagrada, Iriga City.

An saiyang mga pasahero iyo an minasunod: Clarissa Mape y Turalde, 25, Romeo Turalde y Nacario, 22, asin Seth Kayeraro Gagabuan y Mape, gabos nag eestar sa Barangay Sagrada, kan Ciudad nin Iriga.

Sabi sa imbestigasyon si Mape nagdadalagan sa tinampo hale sa Iriga City pasiring sa Ocampo, Camarines Sur.

Nakasabatan niya an pampasaherong jeep na pigmamaneho ni Jeyralain Bravante y Nacario, 50, na taga Barangay Sagrada, Iriga City.

Malinaw sa report na an driver kan trimobile na si Mape iyo an maysala ta linaog niya an linya kan jeep na kasabatan, asin makusog na nakabudal sa vehiculo.

An ibang mga pasahero kan tricycle igwang mga rungas sa lawas kaya dinara sa Lourdes Hospital, sa Barangay San Roque, Iriga City.

Alagad an driver na si Mape, ipig declarar na “dead on arrival” sa hospital, kasubagong alas 7:10 nin aga.

An driver kan pampasaherong jeep dai nakulgan sa nangyaring aksidente.

Yaon siya ngonian sa hepatura kan pulis para sa magkakanigong imbestigasyon.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...