Monday, June 12, 2017

NPA nagsakyada sa Pioduran, Albay

LEGAZPI CITY (Bicol Standard) – Dai nag-serveng olang an celebrasyon kan ika-119ng Independencia kan Pilipinas sa suboot mga miembros kan New People’s Army (NPA) na maglansar nin pag-atake sa sarong detachment sa Cuyao yao, Pioduran, Albay.





Sinabi sa report na pirang minutos na nagpaputok kan saindang mga badil an mga rebelde harane sa kinakamugtakan kan detachment.

Enot kaini, igwa man nin nangyaring harassment sa Ligao City.

Mayong makapagsabi kun pira an numero kan mga NPA na nag-atake sa mga kinakamugtakan kan fuerza kan gobierno.

An carculo kan mga tawohan kan gobierno, an distancia kan mga nagpapaputok sainda poco mas o menos kabangang kilometro.

Segun sa pahayag, posibleng nag-consumo nin sarong magazine nin bala an pinaputok kan mga rebelde.

Mayo nin nalugadan o nakulgan sa mag-ibong na lado.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...