Friday, June 2, 2017

Most Wanted sa Pamplona, dinakop kan pulis

NAGA CITY (Bicol Standard) — Nadakop na kan mga pulis sa banwaan kan Pamplona, Camarines Sur si Arnel Aranez y Morauda, 339, taga Zone 2, Pamplona, Camarines Sur na akusado nin 3ng counts nin pagbalga kan provisyon kan Sec 6 (a) kan R.A. 9262 , mas bisto sa apod na Violence Against Women and Children.



Si Aranez considerado kan mga awtoridad na No. 10 sa Most Wanted Person sa banwaan na ini.

An akusado igwa nin warrant of arrest na firmado ni Judge Rosita Laluani kan Branch 28 kan Regional Trial Court (RTC) sa Naga City. 

An mandamiento de aresto pinaluwas kan fecha 18 kan bulan na Mayo, 2017.

May recomendadong fianza na kantidad P24,000.00 para sa temporaryong libertad kan akusado.

Dinara an akusado sa hepatura kan pulis sa Pamplona, anted na i-presentar sa RTC tanganing atubangon an saiyang caso.

Nadakop an akusado sa Zone 2, Tambo, Pamplona, Camarines Sur.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...