Thursday, June 15, 2017

Mga armas, droga nadakop sa Nabua, CSur

NAGA CITY (Bicol Standard) –Mahalnas pa sa sirang hito na nakapulsot sa mga awtoridad si Jessie Benegas y Obis, 38, na iyo kutang target kan mga awtoridad pinaluwas na 2ng Search Warrants kan Regional Trial Court, sa Iriga City.




Si Benegas haloy nang binabantayan kan mga pulis huli sa may noticia na may tinatago siyang mga armas asin illegal na droga.

Nag-eestar siya sa Zone 5 kan Barangay La Opinion, Nabua, Camarines Sur.

Sabi kan pulis, inamayan nindang servehan nin Search Warrants an harong ni Benegas, alagad naka-malesya siya, kaya nakadulag sa mga awtoridad.

Sa pag-rekisa kan harong kan suspechado, nakakua an mga pulis nin 5ng pidasong heat-sealed transparent plastic sachet na may laog nin shabu; 2ng units nin shotgun na may cargang bala; asin may 12ng reserbang mga bala para sa 12 gauge na badil.

Si Benegas dating miembro kan Philippines Marines, na sa presente sinasahotan imbuelto sa pag-negosyo nin illegal na droga.

Ginibo an raid sa saindang residencia kasubagong alas 5:30 nin aga (Julio 15).
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...